खरिप हंगामासाठी किमान आधारभूत किमती जाहीर : पहा कोणत्या पिकाची MSP सर्वाधिक वाढली

पंतप्रधान श्री नरेंद्रजी मोदी यांच्या अध्यक्षतेखाली पार पाडलेल्या आर्थिक बाबींवरील मंत्रिमंडळाच्या समितीने 2021-22 च्या सर्व हंगामातील खरेदीसाठी खरीप पिकासाठी किमान आधारभूत किंमत (MSP) मध्ये वाढ करण्यास मान्यता दिली आहे. MSP 2021-22 (किमान आधारभूत किंमत 2021-22)

MSP 2021-22
MSP 2021-22


पंतप्रधान श्री नरेंद्र मोदी यांच्या अध्यक्षतेखालील आर्थिक बाबींवरील मंत्रिमंडळाच्या समितीने सन 2021-22 च्या सर्व हंगामातील खरेदीसाठी खरीप पिकासाठी किमान आधारभूत किंमती (MSP) मध्ये वाढ करण्यास मान्यता दिलेली आहे. शेतकरी उत्पादकांना त्यांच्या उत्पन्नाच्या मोबदल्याची रास्त किंमत मिळावी, या उद्देशाने सरकारने खरीप पिकांचा एमएसपी वाढवला आहे. मागील वर्षांच्या तुलनेत एमएसपीमध्ये सर्वाधिक वाढीची शिफारस तीळ 452 रुपये प्रति क्विंटल आणि त्यानंतर तूर आणि उडीद 300 रुपये प्रति क्विंटलसाठी करण्यात आली आहे.

भूईमूग किंवा शेंगदाणा आणि नाचणी बाबतीत मागच्या वर्षीच्या तुलनेत अनुक्रमे 275 आणि 235 रुपयांची वाढ करण्यात आली आहे.विविध प्रकारच्या पिकांची लागवड व्हावी म्हणून वेगवेगळ्या पिकांसाठी वेगळी एमएसपी (MSP) मोदी सरकार द्वारे जाहीर करण्यात आली आहे.

    किमान आधारभूत किंमत 2021-22 (MSP 2021-22) 

    पीक 2020-21 ची किमान आधारभूत किंमत 2021-22 ची किमान आधारभूत किंमत 2021-22 साठी उत्पादन खर्च किमान आधारभूत किंमत वाढ
    उडीद 6000 6300 3816 300
    कापूस मध्यम 5515 5726 3817 211
    कापूस मोठा 5825 6025 200
    कारळे 6695 6960 4620 235
    ज्वारी मालदांडी 2640 2758 118
    ज्वारी संकरीत 2620 2738 1825 118
    तीळ 6855 7307 4871 452
    तूर 6000 6300 3886 300
    नाचणी 3295 3377 2251 82
    बाजरी 2150 2250 1213 100
    भात 1868 1940 1293 72
    भात ग्रेड अ 1888 1960 72
    भूईमूग 5275 5550 3699 275
    मका 1850 1870 1246 20
    मूग 7196 7275 4850 79
    सूर्यफूल 5885 6015 4010 130
    सोयाबीन 3880 3950 2633 70

    सन 2021-22 साठी खरीप पिकांसाठी एमएसपीमधील वाढ अखिल भारतीय स्तरावरील सरासरी उत्पादन खर्चाच्या (COP) किमान 1.5 पट पातळीवर MSP निश्चित करण्यात आली आहे. केंद्रीय अर्थसंकल्प सन 2018-19 च्या घोषणेनुसार एमएसपी निश्चित करण्यात आली आहे. शेतकर्‍यांना वाजवी मानधन मिळावे या उद्देशाने एएमसपीमध्ये वाढ करण्यात आली आहे. उत्पादन खर्चाच्या तुलनेत शेतकऱ्यांना अपेक्षित सर्वाधिक परतावा बाजरी (85%), उडीद (65%) आणि तूर (62%) या पिकांवर अंदाज आहे.

    Leave a Comment

    This site uses Akismet to reduce spam. Learn how your comment data is processed.